Mar 3, 2007

tag... pour les femmes


دائما ما تطالب المرأة بالحصول على حريتها .. فما مفهوم الحرية في قاموس المرأة؟
مساحة من الهواء الفارغ...حتى تقدر تعمّرها بأسلوبها..مش بكتيّب التعليمات الأزرق *الأزرق- الذكوري
..بعد هيك..لكم فرصة الحكم
يمكن الارتجال الأنثوي في عالمنا الآن يكون أجمل من الحال الحالي
و كل شي جديد يَحارب..و هذه تجربة تستحق الخوض

أما عن الحرية بالمجمل...فأن الخطأ اللي ممكن تعمله المراة حتما هو كمان خطأ على الرجل
لو رجوع الفتاة وجه الفجر للبيت خطأ...فرجوع الشاب بذاك الوقت خطأ أيضا
*
الخطأ خطأ للكل و على الكل و بكل وقت... ولا تحكي انه عيب نحنا برمضان
العيب عيب يا جماعة...أخيرا أنا كمان فهمت هالشي
......
!!عفوا خرجت عن سياق السؤال*
***************
متى أحسست بنفسك "خائنة"؟
..في كل مرة أحاول فيها لعب دور الأم الحنونة
(قابل للشرح)
****************
هل يمكن أن تحب المرأة رجلين في نفس الوقت؟ نقول الحب و ليس الإعجاب؟
بالطبع لا..لكن هذا لا يلغي حب كل الذين رحلوا و الذين سيرحلون
****************
إذا خذلك لعديد من المرات، هل ستستمرين معه في علاقة مستقرة؟؟
..هناك عدد من الكروت الصفراء...قد لا أعطيها و لكني أعدّها
لكنه حتما حين تصل للحمراء فسأعطيها و معها إعلان الاستقالة
We all need a second chance .. third all most
*****************
ماذا ترتدين في أول لقاء لكِ مع حبيبكِ بالوصف التفصيلي؟
رح ارتدي...نفسي قبل كل شي و قبل الثياب..حتى ما انجرف في مروحة المثالية
..و عن الثياب رح ارتدي الشيء يللي يمثلني بتلك المرحلة
ربما ما قد ارتديه اليوم يختلف عن ما قد ارتديه
!!..لو كان الموعد بالعام الماضي
..عموما ثيابي مش هي أنا...لكنها تمثلني بصورة ما
!!..قد يظهرله شكلي في النهاية صدمة لن يفيق منها إلا عندما أتكلم
******************
ما هي أول فكرة ترد إلى ذهنك في اللحظات الأولى بعد دخولك "المحظور"...لا توجد خيارات للإجابة؟
(EXIT)ربما البحث عن أول باب مكتوب عليه
.ليش بالشرط أن يكون الباب كائن بالمكان..قد يكون في رأسي من الداخل
*****************
سؤال بالعربية الفصحى إلى العربية الفصحى، أيعقل أن تكون هيفاء وهبي وجه المرأة العربية من المحيط إلى الخليج، ماذا يمكن أن تفعلين لتغيير هذه الصورة، و كيف بإمكاننا أن نساعدكن؟
ملاحظتي الوحيدة: هي أنها ليست امرأة غبية كما يبدو للغالبية.. أو مانها (سوابيل اتيتوا
و إن تكون هي مثال للمرأة العربية..فلا يهم...بالنسبة لي على الأقل
*****************

إذا عجبك شاب، بتجربي تلفتيلو انتباهو، كيف؟
ما بجرب..بصراحة
بس غالبا ما تنقلب الأدوار بعد مدة..بصير بضحك وقتها
و الله مو غرور...بس هيك بيصير اغلب الوقت
ليش؟؟ ما بعرف
*****************
إذا عجبك شاب وما بادلك الإعجاب، شو بتعملي؟
ما قلنا ما بتفرق..بس لو على الخيار الأخير في انه اعترف له
HELL NO..!!
ولا ممكن تصير
******************
في مرشد بيقول انو البنت بترغب الشاب طالما انو بشكّل تحدي لها، شو رأيك؟
..نظريا الكلام صحيح..لأن كل شي بيصير فيه تحدي
بيكون غامض اكتر ويستحق العناد و الاكتشاف
......
.بس عن نفسي اعتقد جاوبت على السؤال مسبقا
********************
هيفاء وهبي، شادية، وفاتن حمامة: مع من تتماهين أكثر؟
فاتن حمامة..لها هالة من الأناقة والأنوثة و الشياكة هالمرأة
حتى و هي بتمثل دور البنت الصعيدية العائشة بالريف
!!..رائعة..وجدا مميزة..(أنثى) بلا تكلّف
*******************
انتقي شخصية رجالية معروفة تتمتع بالكاريزما (برأيك) وتكلمي عنها ؟
عمر الشريف..لان بحس بكل ذرة في هذا الرجل بتتكلم
بحس انه...انه..امممممممم.... انه رجل
*******************
ونصيحة أو تعليق أرجو نشره: لما تبلشي تحكي لصاحبك عن أسماء ولادك المفترضة (لأنن بعد ما إجو وأصلاً بعد ما انفتحت سيرة زواج، إلا إذا حاطة براسك الأمومة العازبة) تأكدي إنو صادر قدامك إيام صعبة قريبة جايي
يبقى ما بيستاهل يكون أبوهم
*********************
لماذا تنفخ المرأة في كل الزبادي كلما لسعتها الشوربة؟
سؤال وجيه...اسأل الشوربة
********************
هل صحيح أن المرأة تختار الشخص غير المناسب في فترة المراهقة والشباب ثم تندب حظها بعد ذلك؟
...في اعتقادي المرأة عندها القدرة لتجعل من حبيبها رجل مميز في كل يوم
...و كمان قادرة تخليه اكتر مما كان بيتوقع حاله يكون
بس بدها ذكاء شوي حتى ما يصير شخص ثاني ويتغير و هي لسة بمكانها أو العكس
......
كلنا بنتغير بس ليش التغيير ما يكون مواكب للطرفين..حتى ما توسع المسافات
*******************
ما هو أسوأ موعد غرامي مر بك؟ وما هو أكثر جزء ضايقك في هذا الموعد؟
ما بعرف والله..هو من كثرة المواعيد الغرامية ؟؟
:Pعلى أساس
**************
لماذا تدعي اغلب النساء انهن لا يجدن الطبخ؟
حتى ما تعلى آمال الرجل لكثير...و لو طبخت مو حلو ما ينصدم
****************
ذكرى وظروف أول قبلة؟
بالغصب..كنت صغيييرة..لم افهم ما يجري..لم تعجبني
و لا زلت اكره ذكراها
***************
هل تقبلين بأستمرار العلاقة التي تربطك بشخص (زوج أو عشيق) في حال مات الحب بينكما؟؟
اعتقد مهما كانت إجابتي الآن...ستختلف كثيرا لو كنت أم أولاد هذا الرجل
......
(الحب ما بيموت)
****************
هل يستحق الرجل التضحية بكل شيء من اجله والبدء معه بحياة جديدة تبدئين فيها من الصفر؟؟
نعم...و لكن ليس أي رجل يستحق ذلك

9 Comments:

Blogger Lona said...

linda...youma
حسابكم معاي بعدين

3/3/07, 7:39 PM  
Blogger linda said...

والله غريب انو لونا بحد ذاتها عملت التاج

واو:)

على فكرة اجابت حلوة كتييييييييييييير

وبجد عرفت وجهة نظرك في كتير اشياء

شكرا زهرتي
بحبك

3/3/07, 8:58 PM  
Blogger RAT said...

لونا
لعلمك اولا في اسئلة اقتطعتها ليندا
:)
ثانيا استمتعت بقراءة الاجوبة و توقفت عند اكثر من نقطة
اولا نريد الشرح بالنسبة لمسألة الام الحنون
انا بعرف ام حنون واحدة هي فرنسا
:)
ضحكتيني و شغلتيلي بالي بنفس الوقت على قصة (EXIT)

الأم العازبة هي المرأة التي لم تتزوج او لا تريد ذلك لكنها ترغب بطفل، فتستعين بعدّة طرق منها الطبية للحصول على هذا الطفل
طبعا اتكلم عن البلدان الغربية

موتيني ضحك بقصة اسألوا الشوبة

ثم أخيرا تألمت و أثرت فضولي في نقطة معينة لا اظن انني سأقول ما هي لا الان و لا بعدين
دمت لونا و شكرا

3/3/07, 11:45 PM  
Blogger youma said...

لونا
مش اني هي
ههههههههههه
جتني التدبيسة من ليندا شو خصني؟
لونا حلو اعرف عليك اكتر
واجوبة جريت بعض الشيء
ممتاز

3/4/07, 12:57 PM  
Blogger linda said...

شو يوما بتتبري مني ؟؟؟؟

التدبيسة اصلا من رات انا ماخصني:)

3/4/07, 7:15 PM  
Blogger youma said...

شن رايكم نخترعو تاج يقضي عليهم؟

3/8/07, 10:13 AM  
Anonymous linda said...

ياريت يايومى بس لما توافق لونا الأول هي ورات :)

3/8/07, 11:35 AM  
Blogger Lona said...

رات..
انا ما دخلني ..هيك نسخت الاسئلة من عند ليندا...

و انت طلبتي الشرح...يا ستي
--------------------
خيانتي كانت في كل مرة لعبت فيها دور الام الحنونة لرجل انا لست امه...صديق...حبيب..اخ...شو ما كان (ذكر)..و في كل مرة و بعد خوضي معظم الشوط اجد اني لا افلح في ذلك..و اني خنت نفسي اولا و ثقة هؤلاء السابق ذكرهم
----------------------
مبسوطة انه ضحكتك..و على قصة الاكزت بأعتقد انه دماغي بيتوقف عن الارسال وقتها و بصير شي بيختلف عن اللى بتكتب لك الان..من شان هيك هالباب فيه يكون جوات دماغي حتى انفذ لعالم الهلوسة :))

BY THE WAY..i know what single mom means

الموضوع اللى اثار فضولك ووجعك...انا بعرف شو بتقصدي..حتى لو ماقلتيه

********
ليندا و يوما..
ما تتخانقوا...انا اكتشفت انه مدونتي هي ساحة كل المعارك بين المدونين..
الطف يا رب

التدبيسة جاية مو منك ولا منها ولا من رات... هي من السفاحين على قول رات

عموما انا موافقة على شن الحرب..
على اساس مسالمة قبل شوي و بهدي الامور ...ههههه

دمتم و بشكركم على كل شي

3/9/07, 5:12 PM  
Anonymous linda said...

في انتظار تجميع الأسئلو وارسالها :)

3/14/07, 5:45 PM  

Post a Comment

<< Home